Рольф Бэнтль 2004-йили бир гуруҳ ҳамюртлари билан жонажон жамоаси “Базел”ни Чемпионлар лигасиднинг саралаш раундида “Интер”га қарши бўладиган ўйинда қўллаб қувватлаш мақсадида Миланга ташриф буюради. Учрашув якунланишига 5 дақиқа қолганда Бэнтль ҳожатхонага чиқади ва бошқа секторга қайтиб келагандан сўнг туристлар гуруҳини йўқотиб қўяди. Бу пайтда унинг уяли телефони ҳам бўлмаган. Ёнида эса 20 евро ва 15 швейцария франки бўлган. Юртига қайиш учун эса бу пул етарли эмас.
Шунда Бэнтль бир неча кунга Миланга қолишга қарор қилди ва бу кунлар ойларга, ойлар эса йилларга уланиб кетади. Швейцариялик муҳлис Миланнинг Баджо туманига жойлашиб, қурилишда ишлади. Маҳаллий талабалар уни овқат ва сигареталар билан таъминлашди.
Тез орада Рольф бу ерларга мослашиб олди ва юртга қайтишдан маъно йўқ деган қарорга келди. У тротуарда кетаётиб тизза суягини синдириб олмаганда, ҳаммаси шундай давом этаверган бўларди.
Италян врачлари беморда тиббий суғурта ва умуман Италия фуқаролиги бўлмаганини аниқлашгандан сўнг улар Швейцария консуллиги билан боғланишди. Натижада, Рольф ватани Базелга қайтиб келди ва қариялар уйига жойлаштирилди.
“Ўн йил бундай саргузашт учун етарли бўлди. Ҳозирда мен бу ерда ўзимни яхши ҳис этяпман”, — дея таъкидлади 71 ёшли Рольф Бэнтль.
