Хабарингиз бор, ҳамюртимиз Ҳусниддин Ғофуров Сербия Супер Лигаси иштирокчиси “Явор Матис” клуби шарафини ҳимоя қилади.
Бугун Серб чемпионатида 17-тур учрашувлари старт олди. Иваницанинг “Явор” клуби бу сафар “Спартак” жамоаси меҳмони бўлди. Анчагина қизиқарли тарзда ўтган учрашувда 0:0 ҳисобидаги нурсиз дуранг қайд этилди.
Ўзбекистон миллий терма жамоасига номзод футболчи саналадиган Ҳусниддин доимгидек жамоасининг бошланғич таркибида майдонга чиқди. Ўйиннинг 24-дақиқасида ҳакам томонидан огоҳлантирилган футболчимиз 61 дақиқа ўйнади. Сўнг ўз ўрнини жамоадоши Максим Мартушавичга бўшатиб берди.
Мазкур ўйиндан сўнг “Явор” ҳисобидаги очколари сони 26 тага етди. Иваницаликлар мусобақа жадвалининг 5-поғонасини банд этиб туришибди.
