Осиё Чемпионлар Лигасида финалнинг дастлабки учрашуви ўтказилди.
Дубайдаги муҳташам “Рашид Стэдиум”да 2015-йилги мавсум финалининг дастлабки учрашуви бўлиб ўтди. Унда БААнинг “Ал Аҳли” клуби Хитойнинг “Гуанчжоу Эвергранд” жамоасига қарши баҳс юритди.
Анчагина қизиқарли тарзда ўтган мазкур матч кескин кураш ва хафли вазиятларга бой бўлган бўлса-да, унда гол киритиш ҳеч бир жамоага насиб этмади. Учрашувда 0:0 ҳисобидаги нурсиз дуранг қайд этилди.
“Ал Аҳли” – “Гуанчжоу Эвергранд” 0:0
9480 нафар томошабин гувоҳлигида ўтган ўйин амалда ҳеч нимага ойдинлик киритмади. Энди ғолиблик қайси жамоага насиб этиши 21 ноябр куни Гуанчжоуда ҳал бўлади.
