«Краснодар» ярим ҳимоячиси Одил Аҳмедов ЦСКАга қарши ўйин (2:1) борасида ўз фикрларини билдириб ўтди.

– Бугун ғалабани машаққат эвазига қўлга киритдик. Боиси, ЦСКА бунгача бирор марта ҳам ютқазмаганди. Рақиб бугунги ўйинга яхши тайёргарлик кўрган. Албатта, ғалаба қозонганимиздан хурсандман.

– Ниманинг эвазига жамоа ғалаба қозонди. Ҳал қилувчи омил нима бўлди?
– Биз ҳимояда яхши ўйнадик ва ўз имкониятларимиздан фойдаландик.

– Биринчи голгача ўйин хотиржам кечаётганди. Бунга сабаб нима эди: ўйиннинг даражасими?
– ЦСКА ҳам гол ўтказиб юборишдан қўрқиб ўйнади. Голдан кейин ҳар иккала жамоа таваккал қила бошлади. Биз яна гол уриб олганимиз яхши бўлди.

– Ўйинга руҳий тайёргарлик кучли бўлганмиди?
– Албатта, принципиал ўйин эди. Боиси, улар биринчи ўринда кетаётган бўлса, бизга очко керак эди. Биз ғалаба қозонишимиз шарт эди.

– Жамоа мавсумни суст бошлаганди. Ҳозир нима ўзгарди?
– Барча жамоада пасайиш ва кўтарилиш даври бўлади. Мавсум бошида бизда пасайиш эди. Ҳозир ҳаммаси ўзгарди ва биз яхши ўйнаяпмиз.

– «Краснодар» ҳозир ўзининг энг юқори формасидами?
– Биз ўйиндан ўйинга формага кириб боряпмиз. Лекин янада яхшироқ ўйнай олишимиз мумкин.

– Ўйинга тайёргарлик жараёнида ЦСКА бир кун кўпроқ дам олиш имкониятига эга бўлди. Умуман олганда, бир кун аҳамиятга эгами?
– Аҳамиятга эга, аммо улар Манчестердаги ўйинда кўп куч йўқотишди ва бу ўз таъсирини кўрсатди, – дейди Аҳмедов.