Мадриднинг “Реал” клуби бош мураббийи Рафаэль Бенитес жамоа етакчиси Криштиану Роналдунинг ёзда клубдан кетиши мумкинлиги ҳақидаги гап сўзларга изоҳ берди.
“Айни пайтда кўпчилик Роналдунинг келажаги билан қизиқмоқда. ОАВ вакиллари бу борада деярли ҳар сафар менга савол билан муражаат қилишади. Аммо ишонинг, бунга аниқ жавоб бериш мушкул. Роналду фаолиятини қаерда давом эттиришни ўзи ҳал қилади. Мураббий сифатида мен унинг шу ерда қолишини истаган бўлардим. Лекин, келаси мавсум Роналдунинг “Реал”да қолишига кафолат бера олмайман”,- дейди Бенитес.
