Ўзбекистон терма жамоаси ҳимоячиси Анзур Исмоилов КХДРга қарши ўйиндан олдин "Интерфутбол" газетасига интервю бериб ўтди.
"КХДР термасига қарши учрашувга яхши тайёргарлик кўряпмиз. Йигитлар айтишганидек, бизни қийин ва принципиал ўйин кутиб турибди. Тўғри, кореяликлар ФИФА рейтингида биздан анча пастда жойлашишган. Лекин шу кунгача ўтказилган ўйинлар статистикасига эътибор берсангиз, бу нарса умуман акс этмаган. Ўзаро учрашувларда деярли тенглик кўзга ташланяпти. Ўйлайманки, 12 ноябрь оқшомида ғалаба қозониб, стадионга келган мухлисларимизни хушнуд этамиз. Бугунги кунда жамоамиз ғалабага ҳар қачонгидан ҳам чанқоқ. Очко йўқотишга асло ҳаққимиз йўқ. Рақибни ўрганяпмиз. Назарий машғулотларда унинг сўнгги ўйинлари видеоёзувини кўриб, таҳлил қилдик. Корея жамоаси камчиликлари, заиф позициялари ҳақида етарли маълумотга эгамиз", - дейди футболчи.
