Ўзбекистон - КХДР учрашувидан сўнг терма жамоамиз сардори Одил Аҳмедов ўйин ҳақида ўз фикрларини билдириб ўтди. "Спорт" телеканали футболчининг фикрларини жонли эфирга узатди.
"Бугун ўйинга келган мухлисларнинг келгани ҳам ўйинда асосий омиллардан бўлди. Бугун бизни кўплаб мухлислар қўллаб-қувватлаб туришди. Биз Кореядаги мағлубият аламини олиш учун майдонга тушгандик ва буни уддаладик. Мухлисларимиз олдида юзимиз ёруғ бўлганидан хурсандмиз. Ўйлайманки, ҳақли ғалабага эришдик.
Ўйин бошида хатога йўл қўйдик. Аммо якунда ўзимизни руҳлантира олдик. Бугун ҳаммамиз ғалаба қозонишни хоҳладик. Шунинг эвазига 3 очкони қўлга киритдик, - дейди Одил Аҳмедов.