Англия ва Франция терма жамоаси ўртасидаги ўртоқлик учрашуви ўз вақтида бўлиб ўтиши мумкин.
Франция футбол федерацияси 17 ноябрь куни “Уэмбли” стадионида ўтказилиши белгиланган Англия термасига қарши ўйинни бекор қилмаслик ҳақида қарор чиқарди.
Аввалроқ, Францияда рўй берган терактлар туфайли хавфсизлик нуқтаи назаридан мазкур ўйинни ўтказмалик масаласи кўриб чиқилаётгани айтилганди.
Аммо федерация ўйинни ўтказишни истамоқда.
Агарда Франция ҳукумати бу қарорга қарши чиқмаса, 17 ноябрь куни Англия – Франция термалари иштирокида ўртоқлик ўйини бўлиб ўтади.
Эслатиб ўтамиз, Франция пойтахти Париж шаҳрида 13 ноябрь куни оқшомида давомли терактлар содир этилди. Портлашлардан бири Франция ва Германия терма жамоалари иштирокида бўлиб ўтаётган ўртоқлик учрашуви вақтида, "Стад де Франс" стадиони дарвозаси олдида содир этилган ва бу портлаш туфайли 3 киши ҳалок бўлган.
Ўйиннинг биринчи тайми вақтида содир бўлган терактлар ҳақида маълумотлар кела бошлагач, ўйинни кузатиш учун стадионга келган Франция президенти Франсуа Олланд дарҳол эвакуация қилинишган, томошабинлар орасида ваҳима бошланмаслиги учун бу ҳақда эълон берилмаган ва ўйин давом эттирилган.
