Бугун Олмалиқ шаҳридаги янги барпо этилган ОКМК стадионида XIV Ўзбекистон Кубогининг финал учрашуви бўлиб ўтади. Финалда жамоамиз Бекободнинг “Металлург W” жамоаси билан куч синашади.
Жамоамиз шу пайтгача саккиз марта Ўзбекистон Кубоги соҳибаси бўлган. Илк марта 2006 йили биллур совринни қўлга киритган футболчи қизларимиз сўнгги марта 2013 йили кубокка эгалик қилишган. Ўтган йилги кубок финалида ҳам мазкур иккала жамоа баҳс олиб борган, унда омад бекободлик қизлар томонида бўлган. Аммо бу йил мавсум бошида биринчи марта ўтказилган Суперкубок баҳсида жамоамизнинг қўли баланд келган эди.
Бу йилги финалда яна азалий рақиблар асосий соврин учун майдонда саф тортишади. Жамоамиз ушбу финал учрашувига жиддий тайёргарлик олиб борди. Ҳамма финалга тайёр.
Бугунги финал учрашуви соат 14:00да бошланади.
XIV ЎЗБЕКИСТОН КУБОГИ. ФИНАЛ
15.11.2015 й. Олмалиқ шаҳри. ОКМК стадиони. 14:00да
“Севинч” (Қарши) – “Металлург W” (Бекобод)
Бош ҳакам: Жалолиддин Ҳуснитдинов (Тошкент)
Қанот ҳакамлари: Баҳодир Баҳромов (Тошкент), Шоҳруҳбек Аъзамов (Тошкент)
Захира ҳаками: Баҳодир Ҳуснитдинов (Тошкент)
Назоратчи: Фарход Абдуллаев (Тошкент).
Барча футбол ишқибозларини финал учрашувига чорлаб қоламиз.
