Футбол бўйича италиялик мураббий Карло Анчелотти келажакда қаерда фаолиятини давом эттиришни хоҳлаши борасида ўз фикрлари билан ўртоқлашди.
«Менда Франция ва Испаниядаги фаолиятим давомида тўпланган фантастик тажриба бор. Энг асосийси рақобатбардош, яхши лойиҳага эга жамоани топиш. Имкон қадар бу Англия чемпионати жамоаси бўлгани маъқул».
«Мавсум якунигача ишсиз дам олмоқчиман. Ундан кейин эса ўзимга янги жамоа қидириб кўраман», – дея таъкидлади Анчелотти.
Эслатиб ўтамиз, олдинроқ Анчелотти АПЛда «Челси» бош мураббийи сифатида иш олиб борган.
