ПСЖ клубининг бразилиялик ҳимоячиси Париждаги юз берган нотинчликларга қарамасдан Францияга қайтишга қарор қилган.
28 ёшли футболчи ЖЧ-2018 саралаш доирасида Аргентинага қарши кечган баҳснинг сўнгги дақиқаларида қизил карточка олиб майдонни тарк этган. Шу сабаб у жамоасининг навбатдаги турда Перуга қарши ўтадиган учрашувда иштирок эта олмайди ва футболчи Парижга қайтишга қарор қилган.
– Мен қайғудаман. Францияда қолган дўстларимнинг ёнида бўлишни хоҳлайман. Нима бўлганда ҳам яшаш керак ва ўз ишимни бажаришим зарур, – дейди Луиз GloboEsporteга.
Ҳозирда "пентакампионлар" устози Карлос Дунга унинг ўрнига Жеммерсонни ўринбосар сифатида қарамоқда.
