Россия ва Украина терма жамоалари 2016 йилги Европа чемпионати қуръа ташлаш жараёнида бошқа-бошқа гуруҳларга ажратилади. Бу ҳақда ТАСС ахборот агентлиги мухбирига УЕФА матбуот хизматида маълум қилинди.
“Агар Украина терма жамоаси Европа чемпионати финал босқичига чиқса, у Россия билан гуруҳ босқичида ўйнамайди, чунки ҳали ҳам УЕФА фавқулодда қўмитасининг тақиқлови мавжуд. Бироқ Россия ва Украина плей-офф босқичида тўқнаш келиши мумкин”, деб айтилди хабарда.
Украина терма жамоаси 17 ноябрда Европа чемпионатига йўлланма олиш ҳуқуқини қўлга киритиш учун Словения билан жавоб учрашувини ўтказади. Львовда бўлиб ўтган биринчи учрашув украиналикларнинг 2:0 ҳисобидаги ғалабаси билан якунланганди. Россия терма жамоаси эса саралаш босқичида ўз гуруҳида 2-ўринни эгаллаб, мусобақага тўғридан-тўғри йўлланма олган.
Европа чемпионати финал босқичига қуръа ташлаш маросими Парижда 12 декабрда бўлиб ўтади.
