Диего Армандо Марадона ошқозонида жарроҳлик амалиёти ўтказилган шифохонани тарк этди.
Хабар қилинишича, футболчи Венесуэладаги шифохоналардан бирида кейинги 10 йил ичида ошқозонини иккинчи марта операция қилдирди.
Бу орқали бироз олдинроқ 55 ёшини нишонлаган футболчи вазн ташлаши айтилган. Шифокорларнинг айтишича, Марадонанинг ҳозирги ҳолатида унга 75 килограммдан ортиқ вазнга эга бўлиш хавфли ҳисобланади. 10 йил аввал ҳам унда шу мақсадда жарроҳлик амалиёти ўтказилганди.
Собиқ футболчининг соғлиги билан боғлиқ муаммолар 2004 йилда пайдо бўлганди. 2004 йилда у ошқозони ва юрагидаги муаммолар туфайли 2 марта реанимацияга тушганди.
Унинг соғлигидаги муаммолар ёшлигида гиёҳванд моддалар қабул қилгани билан боғланади.
