“Реал” собиқ устози Бенито Флоро жамоанинг ҳозирги бош мураббийи Рафаэль Бенитес ҳақидаги фикрлари билан ўртоқлашди.

Флоронинг сўзларига кўра Бенитес Фабио Капелло ҳамда Жозе Моуриньо билан бир сафда туради.

“Бенитес – Капелло ва Моуриньо каби классик мураббий. У ўйин борасида аниқ ва яхши ишланган концепцияга эга. Бенитес жамоасининг ҳимоясида ҳам ярим ҳимояда тўрттадан футболчи ҳаракат қилишади. У ҳам бошқа мутахассисларга ўхшаган мураббий”, — дея Флоро сўзларидан иқтибос келтиради Radio 4G га таяниб Championat.com.

Аввал “қаймоқранглилар” ҳужумчиси Криштиану Роналду клуб президенти Флорентино Пересга Мадрид жамоасининг Бенитес бошқаруви остида ҳеч қандай соврин юта олмаслигини маълум қилгани ҳақида хабарлар тарқалганди.