Германиянинг Ганновер шаҳрида бўлиб ўтиши лозим бўлган ўйин бекор қилинди. Учрашув бошланишига саноқли соатлар қолганида полиция ходимлари «АВД-Арена» стадионидан шубҳали буюм топганди. Натижада стадионга кириш дарвозаларининг барчаси ёпилганди.

Бир неча дақиқа аввал полиция стадионда ўйин ўтказилиши тақиқлади. Ганновер шаҳри полицияси раҳбари Фолькер Клуве Германия – Голландия терма жамоалари ўртасидаги учрашув қолдирилишининг сабабини айтиб ўтди.

"Стадионда портлашни амалга ошириш бўйича аниқ режа тузилган эди. Лекин биз стадион дарвозалари очилганидан 15 дақиқа ўтиб, аниқ маълумот олдик", – дейди Клуве.

Deutsche Welle нашрининг хабар беришича, Германия терма жамоаси аъзолари ўтирган автобусни полиция ходимлари кутиб олган ва уларни хавфсиз жойга жўнатишган.

Шунингдек, Ганновер полицияси стадион яқинидан портловчи модда топган. Шу боис, учрашув бекор қилинган. Маҳаллий полиция тезлик билан топилган моддани зарарсизлантирган, дея хабар бермоқда Bild нашри.