«Милан» ҳужумчиси Марио Балотелли бугун Мюнхенда муваффақиятли операция қилинди.
25 ёшли ҳужумчи тахминан 4 ҳафта давомида майдонга туша олмайди. Шундан сўнг оғриқ сезилмаса, машғулотларни бошлаши мумкин. Аввалроқ футболчининг 3 ой майдонга туша олмаслиги ҳақида маълумотлар берилганди.
Балотелли сентябрь ойидан бери ўйинларда иштирок эта олмаяпти. Клуб унинг чуррасини (грижа) операциясиз консерватив йўл билан даволашга ҳаракат қилди.
Эслатиб ўтамиз, «Милан» Балотеллини «Ливерпуль»дан ижарага олган. Италиялик футболчи А сериянинг 4та баҳсида битта гол урган.













