“Бунёдкор” ёшлари сўнгги турида “Қўқон-1912”ни 4:0 ҳисобида мағлубиятга учратиб, 2015 йилги ёшлар биринчилиги ғолиби бўлдилар. Учрашув ниҳоясига етгач, “Бунёдкор” ёшлари устози Ҳикмат Эргашевнинг мавсум якунлари бўйича фикрлари билан қизиқдик.

- Шукрки, узоқ ва қийин ўтган Клуб рахбарияти бизга ғолиблик вазифасини юклаганди. Жамоадаги барча ҳамжиҳатликда ишлаб, кўзланган мақсадга эришдик. Вазифани бажарганимиздан хурсандмиз. Умуман олганда, ёшлар биринчилиги жуда қизиқ мусобақа, десам муболаға бўлмайди. Чунки бу турнирда барқарор ўйин намойиш этиш жуда қийин. Шунинг учун ҳам мусобақа жадвалида гоҳ биз, гоҳ “Пахтакор” пешқадам бўлиб юрди. Бизнинг бош мақсадимиз – асосий таркибга муносиб бўлган футболчилар етказиб беришдир. Йил давомида ўтказган ўйинларимизни асосий жамоа мураббийлари кузатиб боришди. Ўйлайманки, янги мавсумда ёшлар таркибидан бир нечта футболчилар асосий жамоага қўшиладилар. Ёшлар лигаси турнири савияси ҳақида гапирадиган бўлсам, баъзи учрашувлар шуни кўрсатиб бердики, бу турнир биринчи лигадан кучсиз эмас, - дейди Ҳикмат Эргашев.