“Реал” собиқ ҳимоячиси Мануэль Санчис Испания Ла Лигаси 12-тури “Барселона”га қарши “Эль класико” ўйинида “қаймоқранглилар” устози Рафаэль Бенитеснинг Мадрид клубидаги тақдирини ҳал қилмаслигини айтиб ўтди.
Шунингдек, Санчис “Қироллик клуби”нинг ашаддий рақибдан мағлуб бўладиган бўлса бу футболчиларга салбий таъсир кўрсатишини таъкидлади.
“Баҳс тақдири не кечишини олдиндан айтиш қийин, лекин менимча “Реал” ғалаба қозониш учун борини бериши лозим. Шанба куни бўлиб ўтадиган ўйиндаги мағлубият Мадрид клуби учун оғир зарба бўлиши мумкин. Аммо Бенитеснинг “Реал”даги тақдири класико натижасига боғлиқ эмас. Шахсан мен учрашув таркибида Каземиро ва яна тўртта ярим ҳимоячини киритган бўлардим. Ҳужумда эса иккита форвардни майдонга туширардим”, — дея Санчис сўзларини келтиради Cope га асосланиб Championat.com.