Кеча ёшлар лигасининг сўнгги 30-тур учрашувлари бўлиб ўтди. Унинг натижаларига кўра, Муҳсин Низомиддинов бошқариб келган “Қўқон-1912” ўринбосарлари мавсумни 7-ўринда якунлайдиган бўлишди. Дебютант жамоа учун бу яхши натижа саналади. Ўринбосарларимиз мавсум давомида чиройли ўйинлари орқали қўқонлик футбол ихлосмандларини хурсанд этишди.

Хусусан, жамоа биринчи даврада 12 учрашувда мағлубиятга учрамаган эди.

Ёшлар лигасида энг кўп дурангга эришган жамоа айнан бизнинг ўринбосарларимиз бўлиб туришибди. 30-турдан кейинги статистика қуйидагича: 10 ғалаба, 12 дуранг, 8 мағлубият. 42 очко билан 7-ўрин.

Қўқонда ёш иқтидорли футболчилар жуда кўп. Ўринбосарларимиз сафида тўп сураёган кўплаб ўйинчиларнинг ҳаракатларини кўриб жамоанинг келажаги ишончли қўлларда эканлигига амин бўламиз.

Ойбек Рустамов, Аброр Раҳмонов, Достон Мелиқўзиев, Иқбол Маликжонов, Аваз Маматхўжаев, Муҳаммаданас Ҳасанов, Элёр Мўйидинов каби бир қатор ёш футболчилар мавсум давомида мухлислар олқишига сазовор бўлишди.

Кези келганда, мураббийлар штабининг мавсум давомида катта ҳажмдаги ишни амалга оширишгани таъкидлаш жоиз.

Келаси мавсумда натижалар бундан ҳам яхши бўлишига ишониб қоламиз.