“Ливерпуль” бош мураббийи Юрген Клопп “қизиллар” машғулотига қайтган ҳужумчи Даниэл Старриж ҳақида тўхталиб ўтди.

“Старриж жароҳат олган вақтга нисбатан анча яхши кўринмоқда. Даниэл аллақачон жамоа билан машғулот ўташга киришди, аммо ҳозирча у 90 дақиқа ўйнашга тайёр эмас. 

Шунга қарамай мен эртага қандай қарор қабул қилинишини олдиндан айта олмайман. Старрижнинг “Ливерпуль” учун қандай аҳамият касб этиши ҳақида тўхталишнинг ҳожати йўқ. Чунки буни ҳамма яхши билади. Футболчи қандай жароҳат олмасин, унинг ўз формасини тиклаши учун вақт талаб этилади. Старриж сўнгги 5 ҳафтадан бери бугун фақат учинчи умумий машғулотини ўтказди холос”, - дея Еuro-football.ru “Ливерпуль” расмий сайтига таяниб Клоппнинг сўзларини келтиради.

Эслатиб ўтамиз, “қизиллар” АПЛнинг навбатдаги турида “Манчестер Сити” меҳмони бўлишади.