Бугун “Локомотив” олий лиганинг охирги тур учрашувини ўтказади. “Темирйўлчилар” сафарда “Навбаҳор” меҳмони бўлишади.
Олий лига. 30-тур. 21 ноябрь
«Навбаҳор» (Наманган) – «Локомотив» (Тошкент)
Ҳакамлар: Р. Бобомуродов (Навоий), О. Жумаев (Навоий), О. Абдувосилов (Тошкент), И. Худойдотов (Тошкент)
Назоратчи: И. Шарипов (Бухоро).
Ўзаро ўйинлар тарихига қарайдиган бўлсак, “Навбаҳор” ҳамда “Локомотив” олий лигада жами 21 бор тўқнаш келишган. “Локомотив” 10 марта, “лочинлар” 7 марта ғолиб чиққан, 4та баҳсда дуранг қайд этилган. Тўплар нисбати “Локомотив” фойдасига 32:30ни ташкил қилмоқда. Ўзаро ўйинларда “Локо” 34, “Навбаҳор” 25 очкони қўлга киритган.
“Навбаҳор”нинг “Локомотив” устидан қозонган энг йирик ғалабаси – 6:2. “Темирйўлчилар”нинг ўзаро ўйинларда наманганликлар устидан қозонган энг йирик ғалабаси эса 5:1.
Биринчи даврада Тошкентда ўтган баҳсда “Локо” йирик ҳисобда зафар қучган. Катта Жасур Ҳасанов, Санжар Шоаҳмедов, Темурхўжа Абдухолиқов, Марат Бикмаев (2та) голларига ва Шаҳбоз Эркинов жавоб берганди – 5:1.
Наманганда ўтган сўнгги беш учрашув:
25.04.2009 «Навбаҳор» – «Локомотив» 2:0
25.09.2010 «Навбаҳор» – «Локомотив» 2:0
07.04.2012 «Навбаҳор» – «Локомотив» 0:2
03.04.2013 «Навбаҳор» – «Локомотив» 1:1
15.03.2014 «Навбаҳор» – «Локомотив» 0:1
Ўзаро ўйинлардаги факт: “Навбаҳор” ўз майдонида бўлиб ўтган 10та ўйиннинг 6тасида ғолиб чиққан. Икки марта ғолиб аниқланмаган бўлса, “Локомотив” сафарда икки бор муваффақият қозонган. Охирги уч йилда “лочинлар” ўз уйида бу рақибни енга олишмаган.
