Биласиз, айни пайтда ҳамюртимиз Ҳусниддин Ғофуров Сербия чемпионатида тўп сурмоқда.
Бугун Серб Супер Лигасида 18-тур учрашувлари бўлиб ўтди. Ҳусниддин Ғофуров шарафини ҳимоя қилаётган “Явор” жамоаси бу турда ўз уйида “Войводина” клубини қабул қилди. Қизиқарли тарзда кечган ўйинда “Явор” устунликка эришган бўлсада буни ҳисобда акс эттира олмади ва кичик ҳисобда имкониятни бой бериб қўйди.
Ўйин тақдирини ҳал қилган ягона голни 27-дақиқада Синиша Бабич киритди.
“Явор” – “Войводина” 0:1
Гол: Синиша Бабич (27)
Ҳамюртимиз Ҳусниддин Ғофуров ўйинни бошланғич таркибда бошлади ва тўлиқ 90 дақиқа ўйнади.
