Жорий мавсумни 12-ўринда якунлаган “Қўқон-1912” жамоаси ҳақидаги қизиқарли маълумотларни тақдим этишда давом этамиз. Бугун жамоамиз кимдан неча очко олгани хусусида сўз юритамиз.
Ўтказилган 30 та учрашувнинг 9 тасида вакилларимиз ғалаба қозонган. Тўртта баҳсда дуранг натижа қайд этилган. 17 та ўйинда имконият бой берилган.
Статистикага эътибор қаратадиган бўлсак, мавсум давомида “Қўқон-1912” клуби саккизта жамоани (“Динамо” икки марта) мағлуб этган. Бешта жамоани умуман юта олмаган. Мамлакат чемпиони ва вице-чемпиондан бир очкодан тортиб олинган.
Энди кимдан неча очко олинганлигини борасида тўхталиб ўтамиз. Юқорида айтиб ўтганимиздек, биринчи ва иккинчи давранинг илк турида “Динамо”ни доғда қолдирганмиз. Айнан самарқандликлардан олти очко тортиб олинган. “Андижон” ва “Шўртан” жамоалари билан бўлган учрашувларда эса тўрт очкодан жамғарилган.
Қуйидаги жадвалда кимдан неча очко олганимиз борасида батафсил тўхталиб ўтамиз.
| 1 | БУНЁДКОР | 0 |
| 2 | ПАХТАКОР | 1 |
| 3 | МАШЪАЛ | 3 |
| 4 | ОЛМАЛИҚ | 0 |
| 5 | МЕТАЛЛУРГ | 3 |
| 6 | ҚИЗИЛҚУМ | 3 |
| 7 | НАСАФ | 0 |
| 8 | СЎҒДИЁНА | 0 |
| 9 | ШЎРТАН | 4 |
| 10 | НЕФТЧИ | 3 |
| 11 | ДИНАМО | 6 |
| 12 | ЛОКОМОТИВ | 1 |
| 13 | АНДИЖОН | 4 |
| 14 | НАВБАҲОР | 0 |
| 15 | БУХОРО | 3 |
