“Реал” собиқ устози Карло Анчелотти ҳужумчи Криштиану Роналду ва Қироллик клуби бош мураббийи Рафаэль Бенитес ўртасидаги муносабатга тўхталиб ўтди.
Аввалроқ хориж ОАВда португалиялик футболчининг “Реал” раҳбариятига шарт қўйиб, агар Бенитес ишдан бўшатилмаса, ўзи клубдан кетишини айтгани ҳақида ёзилганди.
“Мен Роналду билан бир ҳафта муқаддам суҳбатлашдим. У Бенитес ҳақида биронта ёмон гап айтгани йўқ.
Криштиану ҳар доим жамоа манфаати учун тер тўкади, аммо ҳозирги ёқимсиз вазиятда у асосий зарбани қабул қилишга мажбур”, - дея Championat.com Анчелоттининг Radio RAI 1 эфирида билдирган фикрларини келтиради.
