Карло Анчелотти “Реал”да Рафаэль Бенитеснинг ўрнини эгаллаши тахмин қилинаётган афсонавий франциялик футболчи Зинедин Зиданнинг мураббийлик салоҳиятига ўта юқори баҳо берди.
“Зидан ўз даврининг фантастик ўйинчиси бўлган. Ҳозирда эса у мураббийлик соҳасида муҳим тажриба тўплаб бормоқда. Менинг фикримча, келажакда Зидан “Реал”нинг ажойиб мураббийига айланади.
Унда мураббий сифатида муваффақиятга эришиши учун барча сифатлар етарли. Зидан туғма етакчи, шахсий футбол тажрибасига эга.
Эртага “Реал”да ёки келаси ҳафта бошқа жамоада ишлайдими бунинг аҳамияти йўқ, шуниси аниқки, Зидан барибир мураббийлик соҳасида улкан ютуқларни қўлга киритади”, - дея Euro-football.ru Анчелоттининг фикрларини келтиради.
