“Милан” ҳамда Италия терма жамоаси собиқ устози Арриго Саккининг сўзларига кўра, “Реал” президенти Флорентино Перес Карло Анчелоттини Мадрид клубидаги лавозимидан бўшатиб хато қилган.
Анчелотти 2014/15-йилги мавсум якунига етгач жамоа қайд этган натижалар Перес томонидан қониқарсиз деб баҳолангани туфайли истеъфога чиқарилганди.
“Карло – ҳақиқий феномен ва мураккаб вазиятларни чиқиб кетиш йўлларини топа олади. Ўтган мавсум “Реал” ҳамда “Ювентус” жамоалари ўртасидаги ўйиндан кейин Пересга бу ҳақда айтганман. Фақат Анчелотти ушбу жамоа муаммоларини ҳал қила олади. Охирги 10 йилда “Барселона” “Реал”дан анча кўп совринни қўлга киритди. Сўнгги йилларда “Реал”дан молиявий томондан анча камтар бўлган “Атлетико” ва “Севилья” ҳам совринларга эга бўлишди”, — дея Сакки сўзларидан иқтибос келтиради Premium Sport га асосланиб Championat.com.
