Бразилия терма жамоаси собиқ ҳимоячиси Роберто Карлос ватандоши Неймарни айни кунларда дунёнинг энг яхши футболчиси эканини таъкидлади.
“Барселона” класикода ғалаба қозонди, аммо бу каталонияликларнинг ҳаммадан зўр эканликларини англатмайди. Ҳозир “Барселона”да фантастик даражадаги футболчилар тўп суришаяпти, лекин улар орасида энг кучлиси Неймар.
Месси ва Криштиану Роналду ҳамиша биринчи бўлишлари мумкин, бироқ охирги уч тўрт ой давомида Неймар жуда ажойиб футбол намойиш қилди. У намойиш этаётган ўйинга қарсак чалиб олқишлашдан бошқа чора йўқ”, - дейди Роберто Карлос.
