“Реал” ярим ҳимоячиси Карлос Каземиро Испания Примераси 12-тури “Барселона”га қарши “эл-класико” учрашувида майдонга тушмагани учун клуб бош мураббийи Рафаэль Бенитесдан ранжимаганини айтиб ўтди.

“Класико” ўтмишда қолди. Энди унда қайд этилган мағлубиятни унутиб, олдинга томон қадам ташлашимиз керак. Ўша ўйинда майдонга тушмаганимга хафа бўлганим йўқ. Жамоамизда юқори савияли ва нима қилиш кераклигини яхши биладиган мураббий фаолият олиб бормоқда”, — дея Каземиронинг сўзларини келтиради Marca хабарига асосланиб Championat.com.

Эслатиб ўтамиз, “Реал” – “Барселона” учрашувида “қаймоқранглилар” Каталония жамоасига 0:4 ҳисоби билан имкониятни бой беришган ва Бенитес учрашувдан олдин футбол жамоатчилиги ундан майдонга Каземирони туширишни сўрашган бўлса ҳам баҳс давомида бразилиялик хавбек хизматларидан фойдаланмасликка қарор қилган. Кеча бўлиб ўтган ЕЧЛ 5-тури “Шахтёр”га қарши ўйинда(4:3) Каземиро тўли 90 дақиқа давомида майдонда бўлган.