Кейинги мавсумга катта режалар қўяётган Тошкентнинг “Локомотив” жамоаси дастлаб 16 декабрь куни клуб қароргоҳида йиғилади. Янги йилгача машғулотлар шу ерда олиб борилади.
9-22 январь кунлари эса “темирйўлчилар” БААнинг Дубай шаҳрида ўқув-машғулот йиғинини ташкил этишади. Йиғин давомида бир нечта ўртоқлик учрашувлари ўтказиш кўзда тутилган. Шунлардан бири 15 январь куни Хитой суперлигаси вакили “Хенан Жианье” клубига қарши бўлиб ўтади. Маълумот учун, бу жамоа якунига етган мавсумни Хитой чемпионатида бешинчи ўринда тугатди. “Локомотив”нинг қолган рақиблари эса ҳозирча аниқ эмас.
