“Барселона” клуби ҳамда бразилиялик ҳужумчи Неймар ўртасида янги шартнома бўйича музокаралар давом этмоқда.
Агар томонлар келишувга эришса, Неймарнинг йиллик маоши 15 миллион еврони ташкил қилади ва у жамоадоши Лионель Месси ва “Реал” форварди Криштиану Роналдудан кейин дунёнинг энг кўп ҳақ олувчи футболчисига айланади.
Янги битим 2021 йилнинг июнига қадар мўлжалланган. Ҳозирда клуб раҳбарияти ва футболчининг вакиллари товон пули масаласини муҳокама қилмоқда.
Каталонияликлар компенсация миқдорини 1 миллиард евро қилиб белгиламоқчи, аммо Неймар ва унинг агентлари ушбу сумманинг 250 миллион евродан ошмаслигини талаб қилмоқда. Бу ҳақда Eurosport.ru Marca нашрига таяниб хабар берди.
Эслатиб ўтамиз, 23 ёшли форвард жорий мавсум 16 та расмий учрашувда майдонга тушиб 14 та тўп киритди ва 8 та голга асистентлик қилди.
