"Челси" ярим ҳимоячиси Сеск Фабрегас “Барселона” ҳужумчиси Неймарнинг келажаги борасидаги ўз фикрларини билдирди.

«Неймар жуда кучли футболчи ва туғма истеъдод эгаси. Футболда мослашиш учун вақт талаб этилади. У Европа футболига мослашиб бўлди. У ҳозирнинг ўзида дунёнинг энг кучли футболчиларидан бири. Агар у ўз устида ишлашда давом этса, яқин йилларда дунё футболида Месси эгаллаб турган тахтни эгаллайди. Бунга ҳозирданоқ деярли ҳамма иқрор бўляпти", — дейди Фабрегас.

Эслатиб ўтамиз, Неймар каталонияликлар сафида жами 108 та ўйинда майдонга тушиб, 68та гол урган ва 34та голга ассистентлик қилган.