«Реал» ҳимоячиси Серхио Рамос елкасидаги жароҳатини даволатишга қарор қилди. Шу сабабли у тўрт ҳафта майдонга туша олмаслиги мумкин. Рамос елкасини операция қилдирмасликка қарор қилган. У одатий даволаниш услубини маъқул кўрмоқда. Эслатиб ўтамиз, ҳимоячи сентябрда жароҳатланган ва ўтган вақт давомида олти марта оғриқ қолдирадиган укол билан ўйнагани туфайли жароҳатини оғирлаштириб олган.
Серхио Рамос энг муваффақиятли ҳолда даволанган тақдирда ҳам «Реал»нинг келгуси 8 ўйинини ўтказиб юборади. Шулардан 4таси Испания чемпионати, иккитаси ЕЧЛ ва яна иккитаси Испания кубогига тўғри келади.