“Ливерпуль” жамоасининг эндиликдаги бош мураббийи Юрген Клопп “қизиллар”нинг собиқ устози Брендан Рожерс билан учрашди. Бу ҳақда Liverpool Echo нашри маълумот тарқатмоқда.
- Мен яқинда Брендан Рожерс билан кўришдим. Биз у билан қизғин суҳбат қурдик. Аммо суҳбатимиз “Ливерпуль” ёки футбол ҳақида бўлмади. Агар мен ундан клуб борасида бирор нима сўрашни истаганимда буни жамоага келган илк кунларимдаёқ амалга оширган бўлардим, - дейди Клопп.
Таъкидлаб ўтамиз, Юрген Клопп октябр аввалида “Ливерпуль” бош мураббийига айланди. У бу лавозимда Брендан Рожерсни алмаштирди.