Самвел Бабаян бошчилигидаги Ўзбекистон олимпия терма жамоаси Тошкентда йиғинни бошлади. Жамоа аъзолари бугун Тошкентдаги "City Palace" меҳмонхонасида тўпланди. Машғулотлар кечги вақт "Жар" стадионида бўлиб ўтади.
Бу жамоамиз Тошкентда уч кун давомида машғулотлар олиб боради. Тошкентдаги йиғинга 30 нафар футболчи жалб этилган. 2 декабрда Олимпиячиларимиз Дубайга жўнаб кетади ва у ерда назорат учрашувлари ўтказади. Тошкентдаги йиғиндан сўнг баъзи футболчилар хориж йиғинида бирга бўлмаслиги маълум бўлган.
Эслатиб ўтамиз, Олимпия терма жамоамиз январда Қатардаги Осиё чемпионатида Рио-2016 йўлланмаси учун курашади.