Испания терма жамоаси бош мураббийи ва “Реал” собиқ устози Висенте дель Боске “Қироллик клуби”ни айни кунларда бошқариб турган Рафаэль Бенитес учраётган танқидларга ўз муносабатини билдирди.
“Бенитес ўзи муҳим деб ҳисоблаган ишни бажариши лозим. Бошқа ҳеч нарса талаб этилмайди. Ҳар куни қилаётган ишингга бошқаларнинг шубҳа-гумонлар билан қарашини кузатиш жуда оғир”, — дея дель Боске сўзларини келтиради Bernabeu Digital га асосланиб Championat.com.
Эслатиб ўтамиз, “Реал” ўтган ҳафта Испания Примераси 12-тури доирасида бўлиб ўтган “эль класико”да “Барселона”дан ўз майдонида йирик яъни 0:4 ҳисобидаги мағлубиятни қабул қилиб олганиден кейин Бенитеснинг истеъфога чиқиши ҳақидаги гап-сўзлар авж олганди.
