«Арсенал» клуби ва Франция терма жамоаси собиқ футболчиси Тьерри Анри ўз вақтида Англияда кетма-кет беш мавсум тўпурарликни қўлга киритиши мумкин бўлганлигини билдирди.
«Мен премьер лигада ўйнаган йилларимда рақобат ҳозиргидан кам эмасди. Ўша пайтларда кетма-кет беш мавсум тўпурар бўлишим мумкин эди. Бироқ мен ҳозирги ҳужумчилардан фарқли ўлароқ “худбин” эмасдим. Бизда жамоанинг манфаати ҳамма нарсадан устун турарди. Шу боис кўп ҳолларда ўйин давомида хавфли ҳужум юзага келганда мендан кўра қулайроқ вазиятда турган жамоадошларимга пас беришни маъқул кўрардим. Хусусан, 2003 йилда «Сандерленд» билан бўлган ўйинда Фредди Юнгбергнинг 3 та гол уришига ёрдам бергандим. Бундан ташқари ўша йили Эду Гаспар билан боғлиқ воқеа ҳам менинг тўпурар бўлишимга монелик қилганди. Агар мазкур вазиятда пенальтини ўзим амалга оширганимда мавсум тўпурари Нистелрой эмас, мен бўлишим мумкин эди”, - дейди Анри.
Эслатиб ўтамиз, Анри Англия чемпионатида 2002, 2004, 2005 ва 2006 йилларда тўпурар бўлган.