Португалиия терма жамоаси бош мураббийи Фернанду Сантуш «Реал» етакчиси Криштиану Роналдунинг «Олтин тўп» учун имкониятларини айтиб ўтди.
“Баъзилар Роналдунинг якуний номзодлар орасидан жой олганлигини нотўғри деб ҳисобламоқда. Лекин мен бундай деб ўйламайман. Чунки, Роналду мавсумни жуда юқори даражада ўтказди. У бунга ҳақли. Гарчи, совринни қўлга киритиш учун унинг имконияти пастроқ бўлсада, у клуб ва терма жамоанинг кўплаб ўйинларида ҳал қилувчи ролни бажарди. Хусусан Португалия терма жамоасининг ЖЧ-2018га чиишида Роналдунинг хизматлари катта бўлди”, - дейди Сантуш.
