“Бухоро” клубининг молдовалик ярим ҳимоячиси Сергей Георгиев жароҳатидан қутилиб ўз ватанида дам олмоқда. У Moldfootball.com мухбирига берган интервьюсида Ўзбекистондаги фаолиятига ҳам тўхталиб ўтди.
- Умуман олганда, мавсум ёмон ўтмади. Фақат жароҳат олмаганимни инобатга олмаса. Мен “Бухоро” клубидаги фаолиятимдан мамнунман. У эрда мени барча нарсалар қониқтирди. Жумладан, бухоролик мухлисларга мени қўллаб турганликлари учун ўз миннатдорчилигимни билдираман.
Яна “Бухоро” клубига қайтиб бораманми йки йўқ, билмадим. Лекин ҳозир жароҳатимдан энди қутилганим учун бу ҳақда ўйлаб кўрмадим. Мен учун ҳозир асосийси соғлигим, - дейди Сергей Георгиев.
Эслатиб ўтамиз, Сергей Георгиев биринчи даврада “Навбаҳор”да фаолият олиб борган бўлса, иккинчи даврада “Бухоро” шарафини ҳимоя қилди. Этиборлиси, молдовалик ярим ҳимоячи олий лигадаги 4 голидан 2таси наманганликлар сафида ва қолгани бухороликлар таркибида киритган.
