Ўзбекистон терма жамоаси февраль ойида Туркияда ўтказишни режалаштирган йиғинни хавфсизлик туфайли бекор қилди. Бу ҳақда Moldfootball.com хабар тарқатди.
Терма жамоамиз Анталиядаги йиғин давомида Молдова билан ўртоқлик учрашуви ўтказишни режалаштирганди. Ўртоқлик ўйини Туркияда эмас, БААда ўтказилиши мумкин.
«Ўзбекистон футбол федерацияси факс йўллаб, хавфсизлик туфайли Туркиядаги йиғинини бекқор қилганини маълум қилди ҳамда ўртоқлик ўйинини 9 февраль куни Дубайда ўтказишни таклиф қилди. Молдова футбол федерацияси ҳозирда БААда ўйнаш учун иккинчи рақиб қидирмоқда. Агар топилса, терма жамоа Дубайда йиғин ташкил қилади», – дея хабар тарқатди Молдова футбол федерацияси вице-президенти Ион Тестимицану.