Ёзги трансферлар мавсумида Мадриднинг “Атлетико”сидан Каталониянинг “Барселона” клубига кўчиб ўтган Арда Туран Туркияда “йил одами” бўлди. Бу борада Арда Туран баскетболчи Хидайет Туркоглуни ортда қолдирди. Гарчи “Барселона” ярим ҳимоячиси айни пайтда майдонга тушмасада, қолганлардан кўра бу совринга муносиб кўрилди.
Эслатиб ўтамиз, Арда Туран “Барселона”га трансфер қилиш ҳуқуқи тақиқланганлиги учун ўз навбатини январгача кутишига тўғри келади. Чунки ФИФА Каталон клубига қишки трансферлар ойнисигача янги футболчини майдонга туширишни тақиқлаб қўйган.













