Испания чемпионатининг 14-тури доирасида "Реал" ўз майдонида "Хетафе"ни қабул қилди ва йирик ҳисобда ғалаба қозонди.

Мадридликлар биринчи бўлимнинг ўзидаёқ ўйин тақдирини ҳал қилиб қўйишди. Бенземанинг дубли ҳамда Бэйл ва Роналду томонидан киритилган голлар ҳисобига мезбонлар 4:0 ҳисобида танаффусга чиқиб кетишди.

Иккинчи бўлим анча сокин тарзда кечди. Ўйин тугашига 20 дақиқа қолганида "Хетафе" бурчак тўпидан сўнг битта жавоб голи уришга муваффақ бўлди.

Ушбу ғалабадан кейин "Мадрид"нинг очколари 30тага етди ва "Атлетико"ни 1 очко ортда қолдирган ҳолда, вақтинчалик бўлса-да, 2-ўринга кўтарилиб олишди.

Испания чемпионати, 14-тур
Реал Мадрид – Хетафе 4:1 (4:0, 0:1)
Голлар: 1:0 – 4 Бензема, 2:0 – 16 Бензема, 3:0 – 35 Бэйл, 4:0 – 38 Роналду, 4:1 – 70 Руано.
Реал Мадрид – Навас, Начо, Пепе (Арбелоа, 87), Данило, Модрич (Ковачич, 62), Кроос, Бэйл, Хамес, Васкес, Роналду, Бензема (Хесе, 78).
Хетафе – Гуаита, Кала, Лаго, Суарес, Руано, Лафита, Ласен, Вамберто (Леон, 62), Сарабия, Родригес (Менса, 80), Васкес (Шепович, 46).
Огоҳлантириш: Данило (37).