Англия чемпионатининг 15-турида "Манчестер Юнайтед" жамоаси ўз майдонида "Вест Хэм"ни қабул қилиб 0:0 ҳисобидаги дурангга имзо чекди. Биз учрашувга оид 13 фактни эътиборингизга хавола этамиз.

1. "МЮ" ва "Вест Хэм" Англия чемпионатида 107-марта рақиб бўлишди.
2. Бугун ушбу жамоалар 25-марта дурангга имзо чекишди. "МЮ"да 52, "Вест Хэм"да 30 та ғалаба бор.
3. Ҳар иккала жамоа ҳам голлари сонини орттира олмади. "МЮ" ҳисобида 205, "Вест Хэм"да эса 136 гол мавжуд.
4. Ушбу жамоаларнинг чемпионатдаги охирги 2 ўйинида ғолиб номи аниқланмай қолмоқда.
5. "Вест Хэм" "Қизил иблислар"га қарши ғалабасиз сериясини 14 тага етказди.
6. "МЮ" охирги марта "Вест Хэм"га 2007-йилда ютқазган эди.
7. "Вест Хэм" "Олд Траффорд"даги ғалабасиз сериясини 8 тага етказди.
8. "МЮ" 14 ўйиндан сўнг илк бора "Вест Хэм" дарвозасига йўл топа олмади.
9. Ван Гаал шогирдлари охирги 9 ўйиннинг 5 тасида 0:0 ҳисобидаги дурангга имзо чекишди.
10. "МЮ" "Олд Траффорд"даги охирги 6 ўйинда ўз дарвозасидан тўп ўтказиб юбормади. Бироқ атиги 3 та гол урди холос.
11. "Вест Хэм" ушбу мавсумда "Манчестер Сити", "Ливерпуль" ва "Арсенал"ни сафарда "Челси"ни ўз майдонида мағлуб этган эди. Афсуски клуб АПЛнинг 5-грандини мағлуб эта олмай, дуранг ўйнади.
12. "МЮ" ушбу мавсумда ўз майдонида мағлубиятга учрамаган АПЛнинг икки жамоасининг бири ҳисобланади. Чемпионатда шунингдек "Тоттенхэм" ҳам ўз майдонида ҳали ютқазмади.
13. Ван Гал шогирдлари дурангдан сўнг 29 очко билан 4-ўринга тушиб кетишди.
14. "Вест Хэм" эса 23 очко билан 6-поғонани банд этиб турибди.

Манчестер Юнайтед – Вест Хэм 0:0
Манчестер Юнайтед – Де Хеа, Макнейр (Варела, 46), Смоллинг, Дармиан, Блинд, Шнайдерлин (Кэррик, 44), Швайнштайгер (Депай, 73), Феллайни, Мата, Лингард, Марсьяль.
Вест Хэм – Адриан, Рид, Крессуэлл, Томкинс, Огбонна, Нобл, Сонг (Обианг, 78), Куяте, Мозес (Антонио, 37), Кэрролл, Сарате (Дженкинсон, 88).
Огоҳлантириш: Кэррик (85).

Фурқат Юсупов тайёрлади
Манба: www.Furkat.uz