2015 йилги мавсум Ўзбекистон олий лигасида ўтказилган 240та баҳсда ҳакамлар томонидан 1043та сариқ карточка кўрсатилди. Бу битта баҳсга ўртача 4,35тадан, битта турга эса 34,8тадан, битта клубга 65,2тадан тўғри келади. Тушунарлики, 16та турда ўртача кўрсаткичдан кўпроқ сариқ карточка кўрсатилган. Жами 7та клуб 65тадан кўп сариқ карточка ишлашган. 32та ҳолатда кўрсатилган сариқ карточка иккинчиси бўлиб, у якунда қизил карточка айланган.
Энг интизомли жамоалар сифатида «Локомотив» ва «Пахтакор» (48) кўрсатилса, қўпол жамоа сифатида «Навбаҳор» (85) гавдаланмоқда. Энг «интизомли» тур сифатида 29-тур (21та) келтирилса, ҳакамлар учун энг оғир тур 19-турга (45та) тўғри келади. 22 августда Қаршида бўлиб ўтган «Насаф» - «Бухоро» баҳсида бош ҳакам Дмитрий Пислегин жами 12та сариқ карточка кўрсатди, буларнинг 2таси якунда қизил карточкага айланди. Бу чемпионатнинг энг қўпол ўйини бўлди.
Чемпионат давомида «Бухоро»1 марта 8та ва 7та, «Олмалиқ» 1 марта 7тадан сариқ карточка ишлашган. 6та сариқ карточка олиш ҳолати 6та клуб билан 1 мартадан учраган.
«Пахтакор» ва «Металлург» клублари жорий чемпионатда 7та ўйинда умуман огоҳлантирилмаганлар- бу мавсум рекорди. Ундан кейинги ўринларда 6талик кўрсаткич билан «Динамо» ва «Локомотив» клублари жойлашишган. Наманганнинг «Навбаҳор» жамоаси биронта турни сариқ карточкасиз ўтказмади.
Қуйидаги жадвалда олий лига клублари кетма-кет тур баҳслари давомида неча марта огоҳлантирилганликлари ҳақида маълумотлар келтирилган:
Изоҳ: * - жамоа футболчисининг иккинчи сариқ карточка орқали четлатилиши ҳам сариқ карточкалар умумий ҳисобига киритилган.
Фикрат тайёрлади
