Каталониянинг “Барселона” клуби ҳужумчиси Лионель Месси гол уриш билан биргаликда жамоадошларига самарали паслар етказиб беришни ҳам канда қилмайди. Аргентиналик футболчи 2012 йилдан бери 44 марта ассистентлик қилган.
Шунингдек “Челси” ярим ҳимоячиси Сеск Фабрегас ҳам собиқ жамоадоши билан бир хил натижага эришиб келмоқда. Испаниядик футболчи ҳисобида 44 та самарали тўп ошириши мавжуд.
Ҳозирда “Манчестер Сити” шарафини ҳимоя қилаётган Кевин де Брюйне Месси ва Фабрегасдан 2 марта кам пасларни амалга оширган.
Айни пайтдаги энг яхши ассистент бўлиб турган Месут Ўзил 39 марта шерикларини қулай вазиятга олиб чиққан. Жумладан, Ўзил охирги 13 ўйинда 11 та самарали паслар беришни уддалаган.
