Италия А сериясининг якшанба кун дастуридан ўрин олган илк учрашув якунланди. 15- тур доирасидаги ўйинда “Наполи” жамоаси сафарда “Болонья” клубига қарши майдонга тушиб, 2:3 ҳисобида имкониятни бой бериб қўйди.
Маурицио Сарри шогирдлари сўнгги дақиқаларда киритилган икки гол эвазига шармандали мағлубиятдан қутулиб қолишди. 0:3 ҳисобида мағлуб бўлаётган неаполликларнинг 87 ва 90-дақиқаларда киритган голига Гонсало Игуаин муаллифлик қилди.
Бу мағлубият “Наполи”ни иккинчи ўринга тушириб юборди. “Интер” эса икки очколик фарқ билан пешқадамга айланди. Бугунги ғалабадан сўнг “Болонья” 15-ўринга кўтарилиб олди.
БОЛОНЬЯ — НАПОЛИ 3:2
Голлар: Дестро, 14, 59, Россеттини, 21 — Игуаин, 87, 90
“Болонья”: Миранте — Россеттини, Ойконому, Гастальделло, Масина — Таидер, Диавара (Пулгар, 90+2), Бриенца (Брииги, 65) — Риццо (Мбайе, 74), Дестро, Мунье
“Наполи”: Рейна — Хисай (Маджо, 64), Альбиоль, Кулибали, Гулам — Аллан (Лопес, 76), Жоржиньо, Хамшик — Кальехон (Мертенс, 65), Игуаин, Инсинье
Огоҳлантиришлар: Дестро, Масина
