Роналдунинг рекордлари ҳақидаги мақоламизнинг сўнгги қисмини ҳам эътиборингизга хавола этамиз.
21. “Олтин бутса”ни энг кўп қолга киритган футболчи
Роналду “Олтин бутса”ни ҳозирга қадар 4 марта қўлга киритган. Португалиялик 2008, 2011, 2014 ва 2015 йилларда Европа миллий чемпионатларида энг кўп гол урган футболчи сифатида мазкур совринга эга чиққан.
22. Иккита чемпионат тўпурари бўлиб “Олтин бутса”ни қўлга киритган ягона футболчи
Криштиану 2008 йилда Англия чемпионатида, 2011, 2014 ва 2015 йилларда эса Испания чемпионатида тўпурар бўлиб “Олтин бутса”га эга чиққан. У иккита чемпионат тўпурари сифатида мазкур совринни қўлга киритган ягона футболчи ҳисобланади.
23. Испания чемпионатида энг кўп “хет-трик”ка эришган футболчи
2009 йилдан буён Ла Лигада тўп сураётган Роналду бугунга қадар Испания чемпионатида 28 учрашувда 3 та ва ундан ортиқ гол урган. Бу борада ҳам у рекордчи саналади.
24. Испания чемпионатида бир мавсумда энг кўп “хет-трик”ка эришган футболчи
2014/15 йилги мавсумда Роналду Испания чемпионатидаги 8 ўйинда 3 та ёки ундан ортиқ гол муаллифига айланди. Шу тариқа у Испания чемпионатида бир мавсумда энг кўп “хет-трик”ка эришган футболчи сифатида тарих саҳифаларидан ўрин олди.
25. Испан клублари таркибида энг кўп “хет-трик”ка эришган футболчи
“Хет-трик”шунос футболчи “Реал” либосида 2009 йилдан бери 33 та ўйинда 3 та ёки ундан ортиқ гол муаллифига айланган. Мазкур натижа унга испан клублари таркибида энг кўп “хет-трик”ка эришган футболчи номини туҳфа этди.
26. Бир йилда Чемпионлар лигасида энг кўп гол урган футболчи
Криш 2015 йили Чемпионлар лигасида жами 16 та гол урди. У голларининг 5 тасини 2014/15 йилги мавсумнинг плей-оффида, қолган 11 тасини эса 2015/16 йилги мавсумнинг гуруҳ босқичида киритган. Шу тариқа у бир календар йилида Чемпионлар лигасида энг кўп гол урган футболчига айланди.
27. Испания чемпионатида 5 ўйинда 14 гол урган “Реал”нинг ягона футболчиси
2010/11 йилги мавсумнинг охирги 5 учрашувида Криштиану ўз ҳисобига 11 та гол ёздириб қўйди. Шундан сўнг у Испания чемпионатида 5 ўйинда 14 гол урган “Реал”нинг ягона футболчисига айланди.
28. Испания чемпионатининг 11-турида 4 та “хет-трик”ка эришган “Реал”нинг ягона футболчиси
2011/12 йилги мавсумда Роналду Премьеронинг дастлабки 11 турида 4 марта “хет-трик”ка эришиб, , “Реал” тарихида биринчи бўлиб ана шундай кўрсаткични қайд этди.
Фурқат Юсупов тайёрлади
Роналдунинг рекордлари (1-қисм)
Роналдунинг рекордлари (2-қисм)
