Олий лига-2015 якунлари туркумидаги турли хил янгиликларни эътиборингизга ҳавола этишда давом этамиз. Бу сафар Қорақалпоғистонлик футболчилар ушбу мавсумни қандай ўтказишгани ҳақида тўхталиб ўтамиз.

Саламат Қуттибоев
Саламат мавсумни “Олмалиқ” жамоаси таркибида ўтказди. У бу мавсумда 26 та учрашувда майдонга тушиб, рақиблар дарвозаларини 5 марта ишғол қилиб, 1 голга ҳаммуалифлик қилди. Шунингдек 8 та учрашувда ҳакамалар томонидан огоҳлантирилди. Қутибоев жамоанинг асосий футболчиси эканлигини исботлади.

Ойбек Нурбоев
Ойбек биринчи даврани Фарғонанинг “Нефтчи” жамоасида ўтказиб, 11 та учрашувда бир гол уришга муваффақ бўлди. Иқтидорли ҳимоячи иккинчи даврада Фарғона вилоятининг яна бир жамоаси “Қўқон-1912”га бориб қўшилди. Нурбоев мазкур клуб сафида атиги 3 та учрашувда майдонга тушди. Эътиборли жиҳати 27 ёшли ҳимоячи мавсум давомида бирорта ҳам карточка олмади.

Наврўзбек Алимов
Наврўз мавсумни “Пахтакор”да бошлади. Бироқ 23 ёшли ҳужумчи “шерлар” сафида ўзини кўрсата олгани йўқ. Атиги 2 ўйинда майдонга тушган футболчи бир мартадан сариқ ва қизил карточка олди. Алимов иккинчи даврада собиқ жамоаси “Қизилқум”га қайтди. Наврўз навоийликлар сафида 14 ўйинда иштирок этиб 3 та голга муаллифлик қилди. Шунингдек у 3 марта сариқ карточка “ишлаб” олди.

Азамат Бобожонов
Бобожонов ушбу мавсумни “Навбаҳор”да ўтказди. Мавсум Азамат учун жудаям омадсиз кечди. У атиги 4 та учрашувда майдонга тушди холос. Ана шу ўйинларда 85 дақиқа майдонда ҳаракат қилган Бобожонов ўзини кўрсата олгани йўқ. Азамат балки кейинги мавсумни бошқа жамоада ўтказар.

Темур Турдиев
Темур биринчи даврани “Бухоро”да ўтказиб, 2 та учрашувда майдонга тушди. Мураббийлар ишончини қозона олмаган ҳимоячи иккинчи даврада Нукуснинг “Орол” жамоасига қайтиб келди.

Азамат Алланиязов
Азамат биринчи даврани жароҳати боис ўтказиб юборишга мажбур бўлди. Жароҳатдан фориғ бўлганидан кейин эса яна олдингидек голеодорлик қобилиятини намоён қилди. Алланиязов чемпионатда 13 учрашувда майдонга тушиб, 6 та голга муаллифлик қилди. 26 ёшли ҳужумчи бир марта ҳакамлар томонидан огоҳлантирилди.

Фурқат Юсупов
Манба: www.Furkat.uz