Сўнгги пайтларда кўплаб нашрлар Хосеп Гвардиоланинг Мюнхеннинг “Бавария” жамоасидан кетишини тахмин қилишмоқда.
Telegraph нашрининг маълумот тарқатишича, мюнхенликлар агар Гвардиола жамоадан кетадиган бўлса, унинг ўрнига келадиган мураббийни аллақачон топиб улгуришди. Унга кўра, ҳозирда ишсиз бўлган Карло Анчелотти “Бавария” бош мураббийига айланади. Немис нашрлари хатто томонларнинг аллақачон оғзаки келишувга эришганини ёзишмоқда.
Таъкидлаб ўтамиз, Хосеп Гвардиоланинг амалдаги шартномаси мавсум сўнггида ўз ниҳоясига етади. Анчелотти эса “Реал”дан кетганидан буён ишсиз юрибди.