Биласиз, айни дамда Тошкентнинг “Бунёдкор” жамоаси янги мавсумга тайёргарликни бошлаган ва жамоа пойтахтда илк йиғинни ўтказмоқда. Таъкидлаш жоизки, машғулотларда жамоанинг легионер футболчилари иштирок этишмаяпти.

Маълумотларга қараганда, “Бунёдкор”нинг босниялик легионер футболчиси Самир Бекрич “қалдирғочлар” сафини тез орада бутунлай тарк этади. 31 ёшли тажрибали ярим ҳимоячи хизматларига Венгриянинг “Ференцварош” ҳамда Босниянинг “Железничар” клублари қизиқиш билдиршмоқда. Бир қатор Болқон нашрлари Бекричнинг катта эҳтимол билан “Железничар” таркибига бориб қўшилишини тахмин қилишмоқда.

Шу ўринда таъкидлаш жоизки, Самир Бекричнинг “Бунёдкор” билан тузган амалдаги шартномаси декабр сўнггида ўз ниҳоясига етади ва у эркин агентга айланади.