Биласиз, ортда қолган мавсумнинг иккинчи қисмини молдовалик ҳимоячи Адриан Кашкавал Фарғонанинг “Нефтчи” жамоасида ўтказди.

Давралар оралиғида “Нефтчи” сафига келиб қўшилган 28 ёшли ҳимоячи мазкур жамоа таркибида 14 та учрашувда майдонга чиқиб, икки бор рақиблар дарвозасини ишғол этишга муваффақ бўлди.

Олинган сўнгги маълумотларга қараганда, ушбу легионер Фарғона жамоасини тарк этди. Буни Кашкавалнинг ўзи ҳам тасдиқлади.

- “Нефтчи” билан тузган шартномам ўз ниҳоясига етди. Мен барчаси учун жамоадагилардан миннатдорман. Ҳаммага ўзраро ҳамкорлик учун миннатдорчилик изҳор этаман, - дейди Кашкавал.

Таъкидлаш жоиз, Адриан Кашкавал “Нефтчи”га ўтишдан олдин бир муддат “Олмалиқ” таркибида ҳам ўйнаган эди.